پئے رسمِ تجدید ایذا رسانی
وہ نامہرباں، مہرباں ہوگیا ہے
تبسّم سے میرے عیاں ہو گیا ہے
مرا ضبطِ غم رائیگاں ہو گیا ہے
سزا کیشِ آہ و فغاں ہوگیا ہے
توانا دلِ ناتواں ہو گیا ہے
سرِ بزم شکوہ کناں ہوگیا ہے
وہ کیوں اس قدر بدگُماں ہوگیا ہے
وہ ہم سے ذرا سرگراں ہوگیا ہے
تو سارا جہاں بد گُماں ہوگیا ہے
بلائیں جہاں تازہ دم ہوگئی ہیں
وہیں حوصلہ بھی جواں ہوگیا ہے
پئے رسمِ تجدید ایذا رسانی
وہ نامہرباں، مہرباں ہوگیا ہے
مئے ارغواں کس کی آنکھوں سے چھلکی
کہ مخمور پیرِ مغاں ہو گیا ہے
بھلا اب رہینِ مسیحائی کیوں ہو
تِرا درد جب حرزِ جاں ہوگیا ہے
بالآخر جو ایمان لایا ہے اخگرؔ
پرستارِ حسنِ بُتاں ہوگیا ہے
٭
No comments:
Post a Comment