کچھ تلخ تر ہی تلخیِ حالات ہوگئی
لیکن ادا تو رسمِ شکایات ہوگئی
مخدوش تھی جو بات وہی بات ہوگئی
خوئے جفا رہینِ مفادات ہوگئی
اب ترکِ زندگی تو کوئی بات ہی نہیں
ترکِ تعلّقات کی جب بات ہوگئی
میں آئینہ اُنہیِں کی محبّت کا ہوں اگر
حیراں وہ کیوں ہیں دیکھ کے کیا بات ہوگئی
صحرا پہ ایک بُوند نہ ٹپکی تو کیا ہوا
کھُل کر سمندروں پہ تو برسات ہوگئی
اک مژدۂ وصال تھا اخگرؔ پیامِ مَوت
فرقت میں مر مِٹے تو ملاقات ہوگئی
٭
No comments:
Post a Comment