کج ادائی تری عادت تو نہیں

آئینہ دیکھیے آئینے میں

آپ کی شکل ہے صورت تو نہیں

کج ادائی تری عادت تو نہیں

دلربائی تری فطرت تو نہیں

دل گیا ہے تو اب اس سوچ میں ہوں

جان بھی تیری امانت تو نہیں

پُرسِشِ غم کو وہ کیوں آئیں گے

اس کی کچھ ایسی ضرورت تو نہیں

سرِ محفل نگہِ لُطف و کرم

بزمِ جاناں کی روایت تو نہیں

آئینہ دیکھیے آئینے میں

آپ کی شکل ہے صورت تو نہیں

غیرتِ دامنِ عفّت اخگرؔ

حاصلِ اشکِ ندامت تو نہیں

٭