اُمّیدِ رسم و راہ کو آساں بنادیا
ہر رہ گزر کو منزلِ جاناں بنادیا
اُمّیدِ رسم و راہ کو آساں بنادیا
ہر رہ گزر کو منزلِ جاناں بنادیا
دل کو حریمِ جشنِ چراغاں بنادیا
ہر غم کو ہم نے شعلہ بداماں بنادیا
یادِ خرامِ ناز نے آکرصبا کے ساتھ
زندانِ دل کو صحنِ گلستاں بنادیا
موت آتے ہی شروع ہوئی اک حیاتِ نو
کیا زندگی نے موت کو آساں بنادیا
یادِ فروغِ دست حنائی نہ پوچھیے
ہر زخمِ دل کو رشکِ نمک داں بنادیا
غیروں کی سازشوں نے خود اپنوں کے روپ میں
صبحِ وطن کو شامِ غریباں بنادیا
اخگرؔ زہے تصوّرِ دستِ جنونِ شوق
دامن کو اس کے میرا گریباں بنادیا
٭
No comments:
Post a Comment