اتنا شعور تو غمِ پنہاں میں آگیا

کلام شاعر، بزبانِ شاعر سنیے، دیکھیے

Watch and Listen this Ghazal recited by Akhgar

اتنا شعور تو غمِ پنہاں میں آگیا

آغوشِ دل سے دامنِ مژگاں میں آگیا

اتنا شعور تو غمِ پنہاں میں آگیا

آغوشِ دل سے دامنِ مژگاں میں آگیا

دل اشک بن کے دیدۂ گریاں میں آگیا

خورشید جیسے روزنِ زنداں میں آگیا

پھر میرے اپنے آپ میں رہنے کا کیا سوال

جب وہ مرے حریمِ دل و جاں میں آگیا

مجھ کو تو رنگ و بو میں الجھنے سے تھا گریز

میں نے یہ کیا کیا، کہ گلستاں میں آگیا

مرہم کا نام لے کے نہ زخموں کو چھیڑیے

مرہم بھلا کہاں سے نمک داں میں آگیا

عکسِ جمالِ یار بتدریج ذوقِ دید

آنکھوں سے دل میں، دل سے رگِ جاں میں آگیا

کچھ سردمہریِ بتِ کافر کا لطف بھی

پیمائشِ حرارتِ ایماں میں آگیا

وحشت اثر فضا ہے نہ دیوار و در یہاں

بیکار ہی میں گھر سے بیاباں میں آگیا

وہ آگئے تو محفلِ خوباں میں یوں لگا

بدرِ منیر جشنِ چراغاں میں آگیا

پھر بزمِ ناز میں مری توہین کی گئی

ایک اور بال آئینۂ جاں میں آگیا

اخگرؔ جنونِ دشت نوردی کدھر گیا

مجنوں تو میرے خانۂ ویراں میں آگیا

٭

کلام شاعر، بزبانِ شاعر سنیے، دیکھیے

Watch and Listen this Ghazal recited by Akhgar