پُرسشِ حال، علاجِ دلِ بیمار بھی ہے

عالمِ ترکِ تمنّا کو زمانہ گُزرا

دل مگر تیرے تصوّر کا طلب گار بھی ہے

پُرسشِ حال، علاجِ دلِ بیمار بھی ہے

میری حسّاس طبیعت پہ مگر بار بھی ہے

جُرأتِ دید بھی ہے، طاقتِ گُفتار بھی ہے

دیکھیے طُور پہ لیکن رسن و دار بھی ہے

عالمِ ترکِ تمنّا کو زمانہ گُزرا

دل مگر تیرے تصوّر کا طلب گار بھی ہے

اپنی دیوار کے سائے پہ نہ اِتراؤ بہت

کچھ نہ کچھ سائے کا سورج سے سروکار بھی ہے

قابلِ دید ہے گُلکاریِ مژگاں اخگرؔ

دامنِ یار بھی ہے، دیدۂ خوں بار بھی ہے

٭