راہِ طلب میں دھوپ کڑی اور سر پہ بھلے ہوں سائے کم

دل پہ غلافِ صبر چڑھائے، زخمِ تمنّا کھائے کم

قول سنہرا ہے یہ لیکن، اس پہ عمل کرپائے کم

راہِ طلب میں دھوپ کڑی اور سر پہ بھلے ہوں سائے کم

رہرو کو آرام نہ آئے، اور جو آئے، آئے کم

دل پہ غلافِ صبر چڑھائے، زخمِ تمنّا کھائے کم

قول سنہرا ہے یہ لیکن، اس پہ عمل کرپائے کم

قامتِ فن کی بات الگ، معیارِ ہُنر کی بات الگ

شہرِ سُخن گُنجان ہے لیکن، ہیں میرے ہمسائے کم

سارا گُلشن اسکی خوشبو سے مہکانا ہے تو مُجھے

ساتھ لگالے جائے لیکن، موجِ صبا بہکائے کم

سوزشِ پنہاں رسمِ وفا ہے، شرحِ غم جاں کارِ ہُنر

آہ بھی لب پر آئے تو اخگرؔ درد نہ ہونے پائے کم

٭