مسندِ چرخِ چہارم پئے عیسٰی دیکھی
تیری توقیر، سرِ عرشِ مُعلیٰ دیکھی
جس قدر تمکنتِ قیصر و کسریٰ دیکھی
کم تر از جاہِ سگِ کوُچۂ بطحا دیکھی
مسندِ چرخِ چہارم پئے عیسٰی دیکھی
تیری توقیر، سرِ عرشِ مُعلیٰ دیکھی
حمد جیسی جو کمائے مرے مولیٰ دیکھی
پیشۂ نعتِ مُحمّد کے سوا کیا دیکھی
جھلملائی مری پلکوں پہ ستاروں کی طرح
مضطرب اذنِ حضوری کی تمنّا دیکھی
زہے خورشیدِ رسالت تری کرنوں کا خیال
دل کے ہرذرّہ کی آغوشِ طلب وا دیکھی
دل میں ہے حُبِّ مُحمّد کا سمندر بے شک
قطرۂ اشک میں طغیانیِ دریا دیکھی
کی جو اُس در کی گَدائی کی تمنّا اخگرؔ
اپنے دامن میں ہر اک نعمتِ عظمٰی دیکھی
٭
No comments:
Post a Comment