اخگرؔ کسی کا حُسنِ سماعت بھی دیکھ لیں
لہجے میں خامشی کے اگر گفتگو کریں
اِک جبر اختیار، ترے رُو بَرُو کریں
ہم شرحِ آرزو نہ کریں، آرزو کریں
اس مسئلہ پہ آپ سے کیا گفتگو کریں
جی چاہتا تو ہے کہ کُوئی آرزو کریں
اِک جستجوئے غم ہے، غمِ جستجوئے یار
ہم جستجوئے غم کہ، غمِ جستجو کریں
رُو پُشت روشن آئینہ ہے دل کا آئنہ
جس رُخ سے آپ چاہیں، اسے رُوبرو کریں
لازم ہے دست و بازوِ گل چیں کا بندوبست
ہر شاخِ گُل کو مائلِ ذوقِ نمو کریں
اخگرؔ کسی کا حُسنِ سماعت بھی دیکھ لیں
لہجے میں خامشی کے اگر گفتگو کریں
٭
جستجو - آسان اردو
روپشت: ۔۔ کسی چیز کا اگلا اور پچھلا رخ۔
No comments:
Post a Comment