نعت:۔
رشکِ شمس و قمر
رشکِ شمس و قمر محمدؐ ہیں
نُورِ قلب و نظر محمدؐ ہیں
ملہم معتبر محمدؐ ہیں
اُمّیِ باخبر محمدؐ ہیں
مُستند راہبر ہیں حضرتِ خضرؑ
خضرؑ کے راہبر محمدؐ ہیں
مظہرِ نورِکبریا یعنی
جلوۂ معتبر محمدؐ ہیں
لب پہ ہے وردِ سورۂ الحمد
دل میں آٹھوں پہر محمدؐ ہیں
سارے عالم کے واسطے اخگرؔ
مثلِ نُورِ سحر محمدؐ ہیں
٭
جستجو ۔۔ آسان اردو
مُلہم = جس پر الہام ہوا ہو
No comments:
Post a Comment