Total Pages Published شائع شدہ صفحات


Best Viewed Using Jameel Noori Nastaleeq - Please Click "How to Enjoy this Web Book"

Best Viewed Using Jameel Noori Nastaleeq - Please Click  "How to Enjoy this Web Book"
How to Enjoy this Web Book - Click Above ... اس ویب کتاب سے لطف کیسے اٹھائیں - اوپر کلک کریں

Amazon in association with JUSTUJU presents

English Translations

Webfetti.com

Please Click above for Akhgar Poetry in English

Saturday, August 1, 2009

غیرتِ تر دامنی دکھلائیں کیا

کوئی تیر اس کا خطا ہوتا نہیں

دل کی ہم اپنے کشش دکھلائیں کیا



غیرتِ تر دامنی دکھلائیں کیا

روتے روتے آج ہم مرجائیں کیا


بے نیازِ دوریِ منزل ہیں ہم

کاوشِ پائے طلب دکھلائیں کیا


محوِ زنداں ہیں خود اپنے بال و پر

زحمتِ پرواز ہم فرمائیں کیا


عشق کی لوَ تاجِ شمعِ حسن ہے

خاکِ پروانہ کی قسمیں کھائیں کیا


جو کبھی خلوت میں بھی آتے نہیں

وہ سرِ محفل ہمِں بلوائیں کیا


کوئی تیر اس کا خطا ہوتا نہیں

دل کی ہم اپنے کشش دکھلائیں کیا


زخمِ دل زخمِ تمنّا زخمِ جاں

بے شمار انعام ہیں گنوائیں کیا


کچھ در و دیوار سے وحشت سی تھی

دشت میں وہ بھی نہیں، گھر جائیں کیا


آپ کی شیریں زبانی دیکھ لی

قصّۂ فرہاد ہم دہرائیں کیا


صورتِ نقشِ قدم بے ہوش ہیں

ہوش میں اب آکے ہم رہ جائیں کیا


تابِ سوزِ آرزو، اخگرؔ نہیں

بے نیازِ آرزو، ہوجائیں کیا


٭







No comments:

Site Design and Content Management by: Justuju Media

Site Design and Content Management by: Justuju Media
Literary Agents & Biographers: The Legend of Akhgars Project.- Click Logo for more OR eMail: Justujumedia@gmail.com