مِنّت کَشِ درازیِ زُلفِ رسا رہے
نا آشنائے نکہتِ بندِ قبا رہے
محدود اتنا نالۂ صبر آزما رہے
لب پر نہ آئے دل میں رہے، نا رسا رہے
اب دل میں آرزُو نہ سہی، یاد ہی سہی
کُوئی دِیا تو نام کا اُس کے جَلا رہے
حِرزِ خزاں تھیں میرے گریباں کی دھجّیاں
اب دیکھیے بہار کے دامن میں کیا رہے
رنگِ بہار بھی دلِ اخگرؔ میں ہو مُقیم
جب تک بَسیِ ہوئی تِری بُوئے قَباَ رہے
٭
جستجو-آسان اردو
حِرز:۔۔پناہ گاہ، ضامِن
مّنت کش: ۔۔احسان اٹھانے والا، احسان مند، ممنونِ احسان، شکرگزاری۔
No comments:
Post a Comment