محمدؐ مصطفیٰ نور الہُدیٰ شیریں بیاں تم ہو
پئے انسانیت رُوحِ رواں، تسکینِ جاں تم ہو
سراپا مظہرِ نُورِ خُدا، رازِ عیاں تم ہو
سُکوُنِ جان و دل ہو، چارۂ دردِ نہاں تم ہو
وجودِ مہرباں ہو، وجۂ تخلیقِ جہاں تم ہو
نبی اوّلیں ہو، خاتمِ پیغمبراںؐ تم ہو
تمہِیں سے سب نے سیکھا ہے سلیقہ حمد کا یعنی
خدائے لم یزل کے سب سے بڑھ کر مدح خواں تم ہو
ابُو سُفیان کے گھر کو کہا، دارالاماں تم نے
بجا خیرالزّماں، پیغمبرؐ امن و اماں تم ہو
عجب منظر ہے آقاؐ روزِ محشر سُرخ رُوئی کا
اثیمِ بے نوا اخگرؔ، شفیعِ ؐ مذنباں تم ہو
٭
No comments:
Post a Comment