وہ جب قریب سے دامن کشاں نہیں گزرے

ترے جمال کا پرتو ہے نورِ شمع یقیں

ترے خیال پہ کیا کیا گماں نہیں گزرے

وہ جب قریب سے دامن کشاں نہیں گزرے

تو میرے دل پہ بھی کیا کیا گماں نہیں گزرے

اگر بصورتِ اشکِ رواں نہیں گزرے

تو دل میں رہ کے بھی شکوے گراں نہیں گزرے

بحدِّ طاقتِ ضبطِ فغاں نہیں گزرے

جو شکوے گزرے بشرح و بیاں نہیں گزرے

جو زیرِ سایۂ زلفِ بُتاں نہیں گزرے

وہ دن پتا نہیں گزرے کہاں نہیں گزرے

بہ ضبطِ سوزشِ غم خاک ہم ہوئے لیکن

تری گلی سے بہ آہ و فغاں نہیں گزرے

وہیں وہیں سے ملا میرِ کارواں کا سراغ

جہاں جہاں سے کبھی کارواں نہیں گزرے

ترے جمال کا پرتو ہے نورِ شمع یقیں

ترے خیال پہ کیا کیا گماں نہیں گزرے

زمانہ گوش بر آواز تھا وہاں اخگرؔ

جہاں سے ہم کبھی نوحہ کناں نہیں گزرے

٭