!سمن میں کتنا تھا

ہر اہتمام پئے برہمیٔ ِ نظمِ حیات

کسی کی زُلفِ شکن درشکن میں کتنا تھا

!سمن میں کتنا تھا

سُکون سایۂ سروسمن میں کتنا تھا یہ غم قفس میں بہت ہے،چمن میں کتنا تھا غنیمِ ہوش سہی میرِ انجمن لیکن کسی کو ہوش ہی اُس انجمن میں کتنا تھا ہر اہتمام پئے برہمیٔ ِ نظمِ حیات کسی کی زُلفِ شکن درشکن میں کتنا تھا نگاہ و دل ہی یہ رازِ نگاہ ودل جانیں غرورِ حُسن لبِ کم سخن میں کتنا تھا جس اُس کا نام لیا تب ہوا محسوس مزا حلاوتِ کام و دہن میں کتنا تھا ادا و شوخی و نازوہُنر کا سرمایہ بہ فیضِ حُسن تِرے بانکپن میں کتنا تھا فروغِ رنگِ بہاراں وفورِ خندۂ گُل ادائے سادگیٔ پیرہن میں کتنا تھا کسی کے جورِ مسلسل کا فیض ہے اخگرؔ وگرنہ درد ہمارے سُخن میں کتنا تھا ٭