چراغاں
راغبؔ مراد آبادی
کراچی
رُباعیات
اکِ شاعرِ خوش فکر کا احساں دیکھو
نیویارک کے یارانِ سُخن داں دیکھو
اعجازِ سُخن ہے یہ حنیف اخگرؔ کا
ایوانِ غزل میں ہے 'چَراغاں' دیکھو
لاریب ہے یہ بھی کرم عزّوجل
دلکش ہے بہت حنیف اخگرؔ کی غزل
ہر شعر ہے اک مُرقّعِ نُدرتِ فن
راغبؔ یہ 'چراغاں' ہے کہ اِک تاج محل
جذباتِ محبّت کا گلستان دیکھو
اُردو کی بہار کیف ساماں دیکھو
دو دادِ کمالِ فن، حنیف اخگرؔ کو
جب دیدہء بینا سے 'چراغاں' دیکھو
کہتے ہیں غزل حنیف اخگرؔ کیا خوب
ہے منفرد اندازِ بیان و اُسلوب
دلدادہ مُصنّف کا بھی ہے مُدّت سے
پھر کیوں نہ ہو راغبؔ کو 'چراغاں' مرغوب
* * *
No comments:
Post a Comment